Studio Dundee e Rockstar Games po punon për krijimin e një versioni remastered të tre lojërave klasike të publikuara gjatë epokës së PS2: Grand Theft Auto 3, Grand Theft Auto: Vice City dhe Grand Theft Auto: San Andreas.
Publikimi i këtyre versioneve pritet të bëhet gjatë fundit të muajit tetor ose fillimit të muajit nëntor në konsolat PS4, PS5, Xbox One, Xbox Series X/S, Switch, PC, Stadia dhe smartphone, siç shkruhet në raportimin nga Kotaku. 3 lojërat GTA po bëhen remaster në Unreal Engine dhe një burim komentoi se ato do të duken si një version tepër i modifikuar i lojës ekzistente. Gameplay do të qëndrojë në mënyrë të njejtë si origjinalja, bashkë me ndërfaqjen e përdoruesit.
Data e publikimit të tyre u shty disi për shkak të pandemisë, por me planet aktuale besohet se lojërat do të jenë të aksesueshme në pjesën më të madhe të konsolave gjatë këtij viti.
Studio Dundee po planifikon të bëjë një remaster të lojës origjinale Red Dead Redemption nëse trilogjia e GTA korr suksese. Periudha e PS2 për Rockstar ka qenë mjaft e suksesshme, pasi të gjitha versionet e GTA gjenden në listën e lojërave më të luajtura në këtë konsolë.
