E kemi luajtur në tastierë, në telefon madje edhe në Game Boy. Tetris nuk ka nevojë për prezantim. Është loja që, duam apo s’duam, të gjithë e kemi provuar dhe në një mënyrë apo tjetër, jemi bërë pak ekspertë.
Tani, Red Bull e rikthen këtë klasik në një format të ri dhe krejt ndryshe. Jo vetëm që do të përballesh me lojtarë nga vende të ndryshme në një garë të ngjeshur 3-minutëshe, por loja jote, ajo që ti po luan realisht, do të projektohet live në Dubai Frame, falë një instalacioni gjigand teknologjik të ndihmuar nga mijëra drone.
Ky nuk është thjesht një turne online. Është një spektakël ndërkombëtar dhe Shqipëria është pjesë e tij.
Çfarë është Red Bull Tetris?
Red Bull Tetris është një turne global i ndërtuar mbi themelet e lojës klasike, por me rregulla dhe ritëm të ri. Loja zgjat vetëm 3 minuta, dhe qëllimi është të grumbullosh sa më shumë pikë duke përdorur teknika klasike si “Tetris”, por edhe veçori moderne si:
Power-Ups – aktivizime që të japin avantazh strategjik gjatë lojës.
Golden Tetrimino – një figurë speciale që shfaqet vetëm një herë dhe mund të bëjë diferencën në pikët e fundit.
Tabela ndërkombëtare e renditjes – ku krahasohesh me lojtarë nga e gjithë bota.
Kjo është një lojë ku shpejtësia, mendimi strategjik dhe përvoja bëhen bashkë për të ndërtuar avantazh real.
Faza Shqiptare: Nëntor 2025
Red Bull Tetris do të zhvillohet edhe në Shqipëri, me një finale që do të mbahet në nëntor. Gjatë kësaj periudhe, çdo lojtar, pavarësisht vendndodhjes apo pajisjes që përdor, mund të hyjë lehtësisht në lojë dhe të fillojë të grumbullojë pikë. Loja është plotësisht e aksesueshme online, nuk kërkon instalime dhe nuk ka asnjë pagesë për pjesëmarrje. Çdokush mund të luajë sa herë të dojë, duke përmirësuar rezultatin dhe duke u ngjitur në renditje. Kjo është mundësia ideale për çdo lojtar që dëshiron të shfaqë talentin e tij, të testojë aftësitë strategjike në një lojë klasike me ritëm të ri dhe të synojë për t’u përfshirë në arenën ndërkombëtare të Red Bull Tetris.
Si të marrësh pjesë dhe të ngjitesh në renditje
1. Hyr në faqen zyrtare të Red Bull Tetris dhe regjistrohu.
Do të të kërkohet vetëm një llogari bazë për të filluar.
2. Luaj lojën online.
Loja zgjat 3 minuta. Mund të luash disa herë për të përmirësuar rezultatin.
3. Shfrytëzo teknikisht çdo element:
- Ruaj pjesët e duhura në “hold”.
- Aktivizo power-ups në momentin e duhur.
- Përdor Golden Tetrimino për të finalizuar linjat që të japin pikë maksimale.
4. Mbikëqyr tabelën e renditjes.
Emri yt mund të ngjitet në renditje dhe të futesh në listën e finalistëve që do të përzgjidhen për finalen në Dubai.
Finalja e madhe në Dubai Frame
Finalja e madhe e Red Bull Tetris nuk është thjesht një përmbyllje loje, është një spektakël ndërkombëtar që këtë vit zhvillohet në Dubai Frame. Lojtari më i mirë i kampionatit shqiptar do të ketë mundësinë të përfaqësojë Shqipërinë në këtë finale globale, ku çdo detaj është i menduar deri në perfeksion. Red Bull mbulon të gjitha shpenzimet, nga udhëtimi dhe akomodimi, deri te pjesëmarrja në një ngjarje teknologjike unike, ku loja jote do të projektohet në kohë reale në qiellin e Dubait përmes një instalacioni me mijëra dronë. Është një përvojë e rrallë për çdo lojtar që kërkon të lërë gjurmë, jo vetëm si pjesë e një gare, por si përfaqësues i vendit në një nga skenat më mbresëlënëse të gaming-ut global.
Regjistrohu në faqen zyrtare të Red Bull Tetris dhe fillo të luash që në ditën e parë të muajit nëntor. Rregullat janë të thjeshta. Loja është e njohur. Sfida është reale.
