Me avancimin e gjeneratave të konsolave dhe me mospërshtatjen e lojrave të vjetra klasike për këto konsola, mundësia për të luajtur lojëra të vjetra ka qenë gjithmonë e vështirë.
Nëpërmjet një studimi të ri nga Video Game History Foundation (VGHF) dhe Software Preservation Netëork, ne tani mund të kuptojmë më mirë se sa i vështirë është në të vërtetë aksesimi i lojërave të vjetra.
“87% e video-lojërave klasike të lëshuara në Shtetet e Bashkuara janë të rrezikuara në mënyrë kritike,” shkroi Kelsey Lewin, bashkëdrejtoreshë e VGHF. Ju mund ta lexoni raportin e plotë këtu, ndërkohë që Video Game History Foundation shkroi gjithashtu blogje përmbledhëse shoqëruese me pikat kryesore nga raporti. Raporti i përkufizon “lojërat klasike” si një lojë që është prezantuar para vitit 2010.
Raporti fokusohet në një koleksion prej 4,000 lojërash të prezantuara në SHBA në një nga tre konsolat që janë zgjedhur për të përfaqësuar nivele të ndryshme të interesit të komunitetit dhe komercial. Ja se si VGHF i përcaktoi ato kategori: ekosistemet e braktisura (Commodore 64), të neglizhuara (Game Boy) dhe aktive (PlayStation 2).
Studimi zbuloi se, në të tre kategoritë, numri i lojërave të disponueshme nuk arriti kurrë mbi 20 përqind, që do të thotë se rreth 80 përqind e lojërave të publikuara para 2010 nuk janë të aksesueshme. VGHF theksoi në mënyrë specifike Game Boy, me vetëm 25 lojëra nga 1,873 gjithsej të prezantuara gjatë jetës së konsolës, ende të disponueshme për blerje. Ky numër dikur ishte dukshëm më i lartë – 155 lojëra më i lartë – përpara se Nintendo të mbyllte dyqanet virtuale të 3DS dhe Wii U në mars të këtij viti.
