Sony do të lançojë headset-in e ri PSVR2 në datën 22 shkurt të vitit të ardhshëm me një çmim prej €599.99.
Së bashku me VR headset do të përfshihen Sense controllers dhe kufjet stereo, mirëpo një stacioni karikimi për këto controllers do të shitet veçanërisht për €49.99. Porositë për PSVR2 do të nisin në 15 nëntor përmes Sony Playstation online store.
Kjo pajisje është tepër e përmirësuar në krahasim me versionin origjinal. Tashmë PSVR2 ka një ekran OLED me kënd shikimi 110-gradë dhe mbështetje për cilësinë 4K HDR. Headset-i vjen gjithashtu me një refresh rate prej 120Hz për një pamje shumë të qartë.
VR headset ka katër kamera të lokalizuara para ekranit, dhe në këtë mënyrë ju nuk keni nevojë të vendosni kamera të jashtme që ndjekin lëvizjet tuaja.
“Ne e kemi krijuar PSVR2 Headset duke patur në mendje komfortin, duke e bërë pajisjen pak më të vogël dhe më të lehtë krahasuar me pajisjen paraardhëse.” tha Isabelle Tomatis. “Ne kemi përfshirë gjithashtu një hapësirë për të lejuar kalimin e shtuar të ajrit.”
Mirëpo për fat të keq Sony lajmëroi se lojrat për PSVR nuk do të mund të luhen në PSVR2. Në PSVR ishin të pranishme 500 tituj të ndryshëm, ndërkohë që për PSVR2 gjithçka po nis nga e para. Disa nga lojrat që do të luhen në PSVR2 janë: Horizon Call of the Mountain, Resident Evil 8, Resident Evil 4, No Man’s Sky, Star Wars, The Walking Dead, The Dark Pictures: SWitchback VR, Cities VR – Enhanced Edition, Crossfire: Sierra Squad, The Light Brigade, Cosmonious High, Hello Neighbor: Search and Rescue, Jurassic World Aftermath Collection, Pistol Whip VR, Zenith: The Last City, After the Fall, Tentacular.
