Injustice 2, Hot Wheels Unleashed dhe Superhot do të jenë lojrat që do të ofrohen në planin e abonimit PlayStation Plus Essential duke filluar nga data 4 tetor.
Hot Wheels Unleashed (për PlayStation 4 dhe PlayStation 5) është loja më e re nga të treja, e cila është lançuar vetëm një vit më parë. Loja nga Milestone nuk është thjeshtë një kart game pasi në të aplikohet fizika e fortë gjatë garimit si dhe mekanizmat si turbo boost. Kjo lojë ishte e përfshirë në përzgjedhjen e Polygon Recommends kur u lançua në shtator të 2021.
Injustice 2, për PS4, nga prodhuesi i Mortal Kombat NetherRealm Studios, u lançua në vitin 2017 dhe është loja pasardhëse e Injustice: Gods Among Us që u publikua në 2013. Bashkë me të vinte dhe një seri me libra komikë që shpjegonin disi historinë e ndërlikuar në të cilën Superman, Batman dhe Wonder Women ishin përfshirë.
Superhot, nga kompania me të njejtin emër Superhot Team, u prezantua në 2016 si një lojë puzzle/aksion për kompjuterat Windows, duke kaluar më pas shumë shpejt në Xbox One dhe Oculus. Në këtë lojë njerëzit kontrollojnë një hero i cili duhet të mendojë se si mund të shpëtojë nga sulmet e kundërshtarëve të ndryshëm. Në Superhot, koha lëviz vetëm kur lojtari lëviz, duke i dhënë atyre shumë kohë për të planifikuar lëvizjen e rradhës në mënyrë të ngjashme me John Wick. Versioni i Superhot për PS4 u publikua në 2017.
Personat e abonuar në PlayStation Plus mundet gjithashtu të luajnë lojrat e shtatorit: Need for Speed: Heat, Granblue Fantasy: Versus si dhe Toem deri në 3 tetor.
