Sipas një raportimi nga Forbes platforma e re streaming Binge, e cila do të fokusohet tek gamers-at, do të prezantohet gjatë E3. E vetëshpallura “e ardhmja e gaming entertainment” do të ofrojë përmbajtje origjinale nga brendet e lojërave dhe karaktere të ndryshme.
Binge nuk do të tentojë të “luftojë” me Twitch, por ka si qëllim tërheqjen e shikuesve që kërkojnë të shohin video të shkurtra ose seriale të nivelit premium. Për të arritur qëllimet e tyre ata do të bashkpunojnë me developers dhe publishers të lojërave mjaft të famshme për të krijuar video të cilësisë së lartë. Kjo platformë do të ofrohet falas për përdorim në smartphone, gaming consoles, në desktop dhe TV.
Ende pa u prezantuar mirë, Binge ka arritur të punësojë profesioniste mjaft të njohur si Allan Ungar, i cili drejtoi Uncharted Live Action Fan Film.
Platforma planifikon të përfshijë një shërbim “Squad Parties” që do të lejojë shikuesit të krijojnë një grup së bashku dhe të shohin njëkohësisht përmbajtjet. Për të gjithë fansat që janë disi të shqetësuar rreth cilësisë së përmbajtjes nga Binge, kompania i siguron se “këto përmbajtje do të respektojnë fansat dhe lojërat që i inspirojnë.”
