Sipas një tweet-i të publikuar nga zhvilluesi i The Witcher 3, CD Projekt Red, njoftohet se edicioni i The Witcher 3: Wild Hunt do të përmirësojë lojën në platformat PS5 dhe Xbox Series X/S dhe do të vijë në 3 mujorin e fundit të vitit.
Ky lajmërim vjen gjatë përvjetorit të 7 të lojës origjinale, e cila u prezantua në maj të 2015. Është ende e paqartë data ekzakte se kur ky version do të lançohet, por ne shpresojmë se upgrade-i do të vijë në kohë për festa.
The Witcher 3 ishte planifikuar që të prezantohej për PS5 dhe Xbox Series X/S përgjatë vitit 2021, por më pas u shty për në 3 mujorin e dytë të vitit 2022. Arsyet e shtyrjes ishin “rekomandimet e bëra nga ekipet që po mbikëqyrin zhvillimin e projektit”. Pak më vonë erdhi dhe një tjetër shtyrje e datës së prezantimit pa afat, duke rikther projektin në “shtëpi” nga zhvilluesi Saber Interactive.
Versioni i gjeneratës aktuale të lojës do të ofrojë mbështetje për ray tracing dhe do të përfshijë kohëra të hapjes së lojës shumë të shpejta, së bashku me përmirësime vizuale. Të gjithë personat që kanë blerë një edicion të mëparshëm të lojës, do të mund të update-ojnë lojën pa nevojën e një kostoje shtesë.
