Janari erdhi dhe iku pa asnjë informacion rreth PS5, përveç logos së prezantuar në CES 2020. Sytë për një konferencë informuese nga Sony tani janë rreth fundit të shkurtit për të cilin nuk kemi ende një datë pasi kompania nuk ka dërguar akoma asnjë ftesë.
Nga ana tjetër, detaje të reja po dalin në sipërfaqe sipas të cilave PS5 do të ndajë të njëjtat karakteristika për CPU dhe GPU, por Sony mendohet të ketë një avantazh në memorie dhe shpejtësi.
Zhvilluesit e parë që tashmë kanë në duar PS5, po punojnë me versionin 1TB duke na bërë të mendojmë se ky do të jetë standarti bazë i memories e cila në maksimumin e saj do të shkojë në 2TB. Për të shfrytëzuar më së miri memorien, Sony do të ofrojë mundësinë e shkarkimit të vetëm një pjese të lojes. Pra, nëse ti je i interesuar të luash vetëm në multiplayer mode, PS5 do të mundësojë të shkarkosh vetëm atë pjesë të lojës duke kursyer shumë hapsirë në console.
Ndërkohë që SSD po bëhen më të lirë në çmim, Sony duhet të gjejë një mënyrë për të përdour një version të lirë pasi më i miri i serisë do të sillte një rritje të çmimit të PS5. Për këtë, LetsGoDigital ka hedhur idenë se Sony po bashkëpunon me Samsung të cilit do ti përdori modelin e SSD 980 QVO i cili është po aq i mirë në gaming console se sa versioni EVO, edhe pse jo më i shpejtë në kopjimin e materialeve. Portali gjithashtu thekson se fakti që Samsung ka shtyrë datën e daljes në treg të 980 QVO, do të thotë se ai po prodhon në masë këtë produkt dhe do ta prezantojë atë së bashku me PlayStation 5.
