Ishte fillimi i viteve ’90 kur Ken Kutaragi, inxhinier në Sony Computer Entertainment dhe më vonë CEO, krijoi një chip audio për Nintendo pas të cilës propozoi idenë e një console të përbashkët.
Pavarësisht kundërshtimeve nga të dyja kompanitë, ai prodhoi rreth 200 copë të një prototipi të quajtur SNES-CD ose Nintendo PlayStaion.
Për një kohë të gjatë askush nuk kishte parë një prototip të tillë në qarkullim derisa Terry Diebold, ish punëtor i Advanta Corporation i cili e fitoi atë në një ankand të mbyllur para largimit nga kompania në vitet ’90, vendosi ta dorëzojë për ankand.
Sot ky console është në duart e Heritage Auctions të cilët po përgatiten për një ankand publik që do të zhvillohet në 5-7 Mars, ofertat online të të cilit nisin në Shkurt 2020.
Në kohën e krijimit të tij, Nintendo PlayStation u shoqërua me disa lojra të cilat nuk janë gjendur kurrë edhe pse shpresat pas këtij ankandi, janë të larta për të gjetur e testuar të paktën një prej tyre.
