Në Grand Theft Auto Online, gjithçka vërtitet rreth parave që një lojëtar ka, pasi blerja e bizneseve është mënyra kryesore e ngjitjes në shkallët e botës kriminale. Tashmë Rockstar Games dhe Sony kanë vendosur që të shpërblejnë lojëtarët e abonuar në PS Plus me disa para ekstra për të lehtësuar disi rrugën e tyre drejt suksesit.
Los Santos është një vend i mrekullueshëm, dhe në këtë hartë lojëtarët mund të shpenzojnë para për të blerë veshje të ndryshme, apartamente luksoze, supermakina apo dhe helikopterë. Mirëpo të gjitha këto aktivitete nuk mund të kryhen nëse ju nuk keni para të mjaftueshme, pasi shumica e tyre kanë një çmim jashtëzakonisht të lartë.
Nëse ju jeni një person i abonuar në PS Plus atëherë do të keni shancin të përfitoni një depozitë mujore prej $1.000.000 në llogarinë tuaj bankare Maze falas. Tani ju do të keni para të mjaftueshme për të blerë makinat më të mira që Grand Theft Auto ofron.
Për të pranuar këtë ofertë mujore prej $1 milionë, ju duhet të drejtoheni në PlayStation Store dhe të kërkoni për “GTA Online PS Plus”. Në rezultatin e parë klikoni mbi Download, dhe pasi gjithçka të jetë shkarkuar hapni sërisht GTA Online. Sapo të jeni futur në lojë duhet të shikoni sasinë e depozituar të parave në llogarinë tuaj.
Kënaquni!
