Një 16-vjeçar nga SHBA duket se është bërë personi i parë që përfundoi lojën e Tetris, duke pastruar nivelin përfundimtar dhe duke e bërë atë të rikthehet në nivelin 0.
Tetris u publikua në 6 qershor 1984 dhe shumë njerëz mbetën të surprizuar nga fakti se u desh kaq kohë për të arritur fundin e lojës për herë të parë. Për vite me radhë, njerëzit besonin se niveli 29 – ku shpejtësia maksimizon – ishte niveli i fundit i lojës. Sidoqoftë, pas dekadash eksperimentimi me metoda të ndryshme, lojtarët e përkushtuar ishin në gjendje ta mposhtin atë.
Pavarësisht progresit nëpër nivele, askush nuk arriti në një pamje përfundimtare. Në vend të kësaj, ndërsa nivelet vazhduan, loja pësonte glitch, duke i kthyer tullat me ngjyra të pazakonta. Në vitin 2021, programuesi Greg Cannon krijoi StackRabbit, një program i inteligjencës artificiale (AI) që luan Tetris, i cili ishte në gjendje të shkonte edhe më tej nëpër nivelet e vështira.
AI kaloi nivelin 235 (i cili zgjati për 800 rreshta kodimi në vend të rreth 10) në nivelin 237, në atë moment loja ndaloi së funksionuari, duke u ngrirë plotësisht. Në vend të një ekrani që ju informon se keni fituar Tetris, komuniteti mendoi se arritja e këtij ekrani ishte në thelb përfundimi i lojës.
Megjithat një adoleshent u bë viral në internet pasi arriti të përfundonte lojën pa asnjë ndihmë nga AI dhe u konsiderua personi i parë që e mposhti lojën. Këtë gjë e arriti duke luajtur në një version Nintendo Entertainment System (NES) të lojës që parandalon defektin e nivelit 155.
16-vjeçari Michael Artiaga arriti deri në nivelin 255, para se loja të rikthehej nga fillimi. Pas më shumë se një ore lojë, Artiaga përfundoi nivelin 255 dhe u kthye në mënyrë joceremonike në “nivelin 00”.
Kjo gjë u duk e pabesueshme dhe për vetë Michael. “A po ëndërroj?” vazhdoi ai, duke shtuar se “në fakt ka mbaruar”. Adoleshenti vazhdoi të luante lojën me rezultatin e tij të paprekur, duke përfunduar përfundimisht me 29.4 milionë pikë.
“Jam shumë i lumtur që mbaroi ajo lojë, nuk dua ta luaj më këtë lojë,” shtoi ai, pasi loja mbaroi përfundimisht.
