Nëse do të ketë diçka pozitive ky vit, ardhja e gjeneratës së re të konsoleve është padyshim nga vendet e para të listës. Dhe bashkë me to edhe disa super lojra të cilat do të shfrytëzojnë fuqinë e konsoleve të 2020, ja cilat janë ato më të shumëpriturat.
Cyberpunk 2077
U bënë tashmë vite që presim të veshim petkat e mercenarit V i cili endet rrugëve të një qyteti diku në Kaliforninë e së ardhmes, ndërsa lufton kundër bosave të luftës dhe kriminelëve,i ndihmuar nga Keanu Reevs.
Loja do të jetë një RPG open-world dhe pritet të sjellë mekanika dhe mënyrëloje të re.
Zhvilluesit e saj janë CD Projekt, të njëjtët që na kanë sjellë Witcher 3 ndaj kanë goxha këpucë për të mbushur.
Pritet të vijë në nëntor.
Assassin’s Creed Valhalla
Absolutisht një nga më të priturat e vitit. Kësaj radhe kultura e referencuar do të ngjitet në veri të Europës, pasi historia do të bazohet në kulturën nordike, dhe periudhën e pushtimeve vikinge.
Protagonisti Eivor mund të zgjidhet si femër apo mashkull, stili i ri i dyluftimit do të shohë asistin nga luftëtarët e tjerë si dhe mësimjet masive.
Ubisoft pritet ta sjellë lojën në 17 nëntor.
Halo Infinite
343 Indutries do të sjellë serinë e radhës nga Halo. Ky ekskluzivitet i Microsoft do të shohë Master Chief kundër ardhjes së armiqve të rinj e të vjrtër në një botë goxha të njohur për fansat. Planifikohet të vijë bashkë me lançimin e Xbox Series X.
Zbulimi i gameplay të saj solli disa polemika rreth grafikës, por kjo nuk duket të ketë ndalur etjen e fansave sidoqoftë.
Watch Dogs: Legion
Seria e tretë e Watch Dogs, një botë me hackera dhe shumë më tepër.
Kësaj radhe do të ndodhemi në një Londër të së ardhmes, të korruptuar dhe të kontrolluar nga një ushtri private dhe një organizatë kriminale.
Aspekti më tërheqës i saj është fakti se kushdo mund të bëhet një karakter i luajtshëm. Kushdo mund të rekrutohet në legjionin tënd dhe të luftojë të këqinjtë.
Marvel’s Avengers
Crystal Dynamics dhe Eidos do të sjellin disa nga superheronjtë më të preferuar si karaktere të luajtshëm.
Së bashku me të do të vijë një version online i cili pason vdekjen e Capitain America. Traileri i parë i lojës tregoi shumë potencial dhe gjeneroi mjaft vëmendje.
