Video-lojrat janë të dizenjuara për t’ju tërhequr sa më shumë deri sa ju të bëheni të varur ndaj tyre, dhe për këtë arsye ato mund të prishin cilësinë tuaj të jetesës. Për të kuptuar sa më mirë rreziqet që vijnë nga video-lojrat, ju ftojmë të na ndiqni më poshtë.
- Video-lojrat janë të dizenjuara për të krijuar varësi
Specialistët e sjelljes dhe varësisë në Delamere kanë shpjeguar se luajtja e video-lojrave përfshin sistemin e shpërblimit të trurit, duke çliruar dopaminë dhe duke krijuar një varësi tek përdoruesit. World Health Organization ka shkuar deri në atë pikë ku e konsideron varësinë ndaj video-lojrave si një çrregullim mendor.
Problemi kryesor është se ne mund t’i aksesojmë këto video-lojra shumë lehtë.
Gjithashtu zhvilluesit e këtyre lojrave i ofrojnë ato falas për të gjithë publikun duke arritur kështu një audiencë më të gjërë. Për t’ju tërhequr sa më shumë, zhvilluesit e dizenjojnë fillimin e lojës tepër të thjeshtë, me rritje të shkallës së vështirësisë më vonë.
- Kërkesat në kohë reale të video-lojrave shkaktojnë ankth
Shumë lojra në smartphone ofrojnë evente me një limit të caktuar kohor. Ky limit kohor mund të ndodhë gjatë një dite apo një nate, dhe gamers ndihen gjithmonë në ankth se mos koha e tyre ka përfunduar.
Një tjetër strategji për t’ju tërhequr brenda lojës është dhe dërgimi i njoftimeve.
- Video-lojrat ju largojnë nga jeta juaj reale
Për shkak të natyrës përfshirëse të lojrave, ju mund ta gjeni veten gjatë gjithë kohës duke luajtur lojën tuaj të preferuar. Në këtë mënyrë mund të ndodhë që loja të shndërrohet nga një hobi në kohën e lirë në një varësi.
- Video-lojrat mund të tërheqin shumë para nga ju përmes mikrotransaksioneve
Mikrotransaksionet janë të pranishme në pothuajse çdo lojë në industry, sidomos kur përdoren në një mënyrë predatore. Nëse ju jeni plotësisht i fokusuar në luajtjen e video-lojrave, ju jeni vetëm një shtypje larg shpenzimit të parave të vërteta në shkëmbim të progresit virtual në lojë.
- Koha e gjatë e shpenzuar para video-lojrave mund të dëmtojë trupin tuaj
Studimi nga Sports Medicine tregon se ulja në një pozicion për një kohë të gjatë ndërkohë që ju po luani një lojë mund të sjellë rreziqe shëndetësore si përshembull lodhja, dhimbjet apo problemet muskuloskeletale.
- Si të menaxhoni kohën që shpenzoni duke luajtur video-lojra?
1. Hiqni njoftimet e video-lojrave
2. Vendosni një limit kohor në video-lojra
3. Mos shpenzoni para në to
