PlayStation akoma nuk e ka thyer heshtjen kaq misterioze rreth design-it të PS5, ama kjo nuk ka ndaluar entuziastë gjithandej nëpër botë të hedhin hamendësimet e tyre.
Një lëvizje marketingu mjaft e zgjuar nga ana e Sony pasi i mban fansat të angazhuar dhe gati për çdo grimë lajmi.
Dhe janë këta të fundit ata që na ngushëllojnë.
Një grup entuziastësh francez të PlayStation nën emrin VR4Player.fr kanë hedhur në kanalin e tyre në YouTube një video koncept se si do ta stilizonin ata PS5.
Diferenca kryesore ka të bëjë me qasjen krejt të kundërt krahasuar me hipotezën kryesore që qarkullon prej ndonjë viti tashmë. Në vend të V-së së madhe VRPlayer e imagjinojnë si një trapez me njërin nga krahët të harkuar.
Forma lejon që tradita e opsionit të pozicionimit vertikal apo horizontal të zbatohet fare mirë. Dhe vija ndarëse në mes në formë V-je të zgjeruar shkon më së miri edhe me celebrimin e gjeneratës së 5-të.
Duke përdorur kombinimin e ngjyrave bardh e zi dhe dritat blu, bëhet shumë më i qartë frymëzimi i tyre nga DualSense i publikuar para pak nga vetë PlayStation.
Një tjetër koncept interesant ka të bëjë me një kapak të lëvizshëm i cili nxjerr në pah një ventilaror në pjesën e sipërme të aparatit, dhe nisur nga dritat blu, është projektuar për tu dukur, përtej estetikës edhe në funksion termal.
Presim të shohim sa më shpejt versionin zyrtar nga PlayStation, dhe zërat flasin për një event të mundshëm brenda këtij muaji, deri atëhere kryqëzojmë gishtat.
