Sipas përllogaritjeve më të fundit industria e videogaming është shumë më e madhe se ajo e filmit dhe muzikës bashkë, ndaj nuk na surprizon fakti se përtej pandemisë kompanitë vazhdojnë të egzistojnë më së miri.
E kemi fjalën për anullimin e E3 si krye eventi ku tituj gjigandë laçnohen, teknologji e re dhe momente emocionale për fansat gjithashtu. Tashmë pa një event që t’i përmbledhë të gjitha, kompanitë i kanë marrë vetë frerët në dorë dhe do t’i lëshojnë të rejat e tyre përgjatë verës.
Geek Room ka një listë me datat më të rëndësishme të këtyre pushimeve:
PC Gaming Show – 6 Qershor
Show nga PC Gamer do të mbahet në 2020, në një ditë të plotë live stream me ndihmën e GamesRadar, Paradox Interactive, dhe The Guerrilla Collective.
EA Play Live – 11 Qershor
Në mungesë të E3, EA do t’i bëjë vetë të gjitha: zbulimin e lojrave, përditësimet, kontentin për komunitetin, dhe më shumë, gjithçka do të ndodhë në webin e EA.
CyberPunk 2077 Night City Wire – 11 Qershor
Po na duken si shekuj të gjitha vitet që presim për lançimin e kësaj superloje. Nuk dihet nëse do të kemi një tjetër dalje të Keanu Reeves, por një tjetër detajim më në thellësi do të ofrohet live derisa të dalë në shitje në 17 Shtator.
Day Of The Devs – 22 Qershor / 20 Korrik
Double Fine Productions, iam8bit dhe krijuesi i The Game Awards do të mbajnë dy evenimente të ndara në këto data të ndryshme. Të dedikuara për zhvilluesit, eventet do të kenë gameplay, lajme dhe performanca muzikore. Gjithashtu një numër i madh zhvilluesish e publikuesish të rëndësishëm do të marrin pjesë.
New Game Plus Expo – 23 Qershor
14 zhvillues e publikues kryesisht nga Japonia do të mbajnë një livestreaming në Twitch. Emra të mëdhenj si Sega, Koei Tecmo, Arc System Works etj.
Bitsummit Gaiden – 27- 28 Qershor
Që nga 2013, zhvilluesit e pavarur Japonez shfaqnin muskujt e tyre në BitSummit në Kyoto. I anulluar tashmë, do të shkojë live me pjesëmarrjen e të paktën 80 zhvilluesve.
Xbox Game Studios Showcase – Korrik
Muaji është bërë i ditur por data akoma jo. Microsoft do tu japë studiove të saja një event të veçantë, priten detaje të reja për Halo Infinite, Senua Saga: Hellblade 2 dhe shumë e shumë të tjera.
Ubisoft Forward – 12 Korrik
Me shumë detaje për të zbuluar për Assassin’s Creed Valhalla, dhe përditësime të vonuara për Watch Dogs Legion dhe Rainbow Six Quarantine, eventi digjital i Ubi pritet të jetë plot.
Evo Online – 4 Korrik – 2 Gusht
Përgjatë 5 fundjavave tournamenti fighting game do të zhvillohet tërësisht online këtë vit. Dhe ndërsa fokusi do të jetë konkurimi, publikues si Bandai Namco dhe Capcom pritet të bëjnë zbulime gjithashtu.
Gamescom Opening Night Live – 27 Gusht
Panairi gjigand i Gjermanisë ashtu si të gjirhl të tjerët nuk do të ketë një version në terren. Zbulimet e mëdha do të ndodhin me shumë mundësi gjatë Opening Night Live e cila edhe pse debutoi në 2019 ishte plot e përplot me zbulime të reja.
