Ditën e mërkurë ju do të jeni në gjendje të shikoni trailer-in e parë të video-lojës së re F1 23, megjithatë tashmë EA Sports ka prezantuar posterat e para të kësaj loje.

Posteri i përdorur në lojën Standard Edition do të jetë ai i 7 herë kampionit të botës Lewis Hamilton, pranë të cilit gjenden ylli i Ferrarit Charles Leclerc si dhe Lando Norris.

Për sa i përket versionit Champions Edition, në poster mund të shikojmë Max Verstappen, pilotin që ka fituar 2 herë kampionatin botëror. Dhe pse u kurorëzuar si fitues vitin e kaluar, Verstappen vazhdon dhe këtë sezon të mbajë pozicionin e parë në klasifikim.

A cover fit for a Champion ? Introducing the #F123 Champions Edition, featuring @EASPORTS ambassador @Max33Verstappen ✨ Don't miss the #F123 reveal trailer, dropping May 3, 4pm BST | https://t.co/DKlul7JbVs#BeTheLastToBrake pic.twitter.com/c03CMoBDen

— EA SPORTS™ F1® (@EASPORTSF1) May 1, 2023

“Të jesh në posterin e lojës është një mundësi shumë e mirë dhe unë jam shumë krenar,” tha Verstappen gjatë prezantimit të posterit.

Ju do të mund të shikoni lançimin e trailer-it të ri të lojës në F1.com ditën e mërkurë, me datë 3 maj.