Ju mund të mendoni për shumë mënyra të ndryshme shpenzimi nëse do të kishit $500,000, mirëpo ky gamer duket se i ka të mirëpërcaktuar prioritetet e tij në jetë.

Ky person ende i paidentifikuar ka shpenzuar $500,000 në Counter Strike: Global Offensive për të blerë një bundle ku gjendej skin AK-47 “661” pattern ST MW me 4x Titan Holos dhe një gur i çmuar Karambit “387” blu në gjendje “të përdorur”. Pra me pak fjalë: një armë dhe një thikë dixhitale që do të përdoren në video-lojë.

Skin për AK-47 kushtoi $400,000, ndërsa thika $100,000 të tjera. Të gjithë personat që dijnë më tepër për Counter Strike: GO, thika është e njejta me Karambit, që njihet si skin më i shtrenjtë në këtë lojë. E vetmja diferencë me produktin e blerë është “gjendja e përdorur” e thikës.

$100,000 ka kushtuar thika që është në një gjendje “shumë të përdorur” në vend që të jetë “e re”, e cila kushton $1,5 milionë.

I just completed the second largest trade in CS history! Sold these two on behalf of @Luksusbums - #1 AK-47 661 ST MW with 4x Titan (Holo)
- Karambit #387 P1 in well-worn The combined sale was +500,000$ pic.twitter.com/EbLyF2NaHq

— zipeL?? (@zipelCS) April 16, 2023

Përdoruesi zipeL tregoi në Twitter se kishte ndihmuar në mbylljen e marrëveshjes së dytë më të madhe në historinë e lojës. Identiteti i blerësit është ende i paditur, megjithatë disa raportime tregojnë se ai mund të jetë një koleksionues kinez, i cili ka në pronësi dhe skin-in Souvenir AWP Dragon Lore (që vlen më tepër se $100,000).