November 30, 2021

CEO i AMD sjell lajme të mira mbi mungesën e proçesorëve në treg

CEO i AMD sjell lajme të mira mbi mungesën e proçesorëve në treg

Pas më tepër se 1 vit plot me lajme të këqija mbi situatën e mungesës së proçesorëve gjysëm konduktor në treg, CEO i AMD, Lisa Su ka sjellë më në fund një lajm të mirë. Gjatë intervistës për CNBC ajo tha se situata do të përmirësohet deri në gjysmën e vitit 2022, megjithatë ajo paralajmëroi se deri atëherë proçesorët do të vazhdojnë të jenë të limituar.

Siç Su përmendi në intervistën e saj, industria e proçesorëve është përballur me valë të ndryshme kërkesash dhe e ka patur të vështirë që të balancojë ofertën dhe kërkesën. “Kësaj here është ndryshe.” shtoi ajo.

Situata është ndryshe për disa arsye, ku më kryesorja është përhapja e pandemisë së COVID-19. Gjatë kësaj kohe tregu i kompjuterave u rrit masivisht pasi njerëzit filluan të punonin nga shtëpia. Një tjetër arsye është “lufta e tregtisë” mes Amerikës dhe Kinës e cila detyroi fabrikat që ishin pranë limitit të tyre të prodhonin akoma dhe më shumë proçesorë.

Pra, kjo është arsyeja kryesore, oferta jo të mjaftueshme për të mbuluar të gjitha kërkesat e tregut. Mirëpo nga ana tjetër ne po përballemi dhe me një mungesë në treg të GPU. Kjo vjen për shkak të rritjes së popullaritetit të kriptomonedhave, pasi kompani të ndryshme ndërtojnë dhoma të tejmbushura me GPU për të minuar sa më shumë monedha virtuale. Kjo gjë ka bërë që dhe çmimi i GPU në treg të rritet konsiderueshëm.

Wednesday, 29 September 2021 09:05

Geek Room i dedikohet teknologjisë dhe të apasionuarve pas saj përmes informacioneve në
kohë reale dhe videove rreth risive më të reja.
Lidhu me stafin tonë përmes emailit në:
info@geekroom.al, marketing@geekroom.al

Editorial Staff:
Brenton Bënja
Bekim Haveriku 
Xhonald Mamo

Geek Room © 2019