May 18, 2021

Mario Kart 8 është loja racing më e shitur në historinë e SHBA

Mario Kart 8 është loja racing më e shitur në historinë e SHBA

Mario Kart 8, e cila përfshin versionin original në Wii U dhe Mario Kart 8 Deluxe në Nintendo Switch, është bërë loja më e shitur racing në historinë e SHBA. Sipas raportimit nga The NPD Group Mario Kart 8 ka parakaluar në renditje Mario Kart Wii, e cila u publikua në 2008.

Akoma nuk janë bërë të ditura shifrat zyrtare, por që nga lançimi në konsolën Wii U në 2014 dhe deri në shtator të 2020 u shitën 8.45 milionë njësi në të gjithë botën, ndërsa Mario Kart 8 Deluxe, që u prezantua në 2017 në konsolën Switch, deri në dhjetor të 2020 shiti 33.41 milionë njësi.

sefw.png

Nga ana tjetër Mario Kart Wii që mbante vendin e parë, deri në shtator të 2020 ka shitur 37.38 milionë njësi. Kjo do të thotë se të dyja lojrat Mario Kart 8 me një shifër të kombinuar prej 41.86 milionë njësish të shitura, janë shndërruar në lojën best selling në SHBA.

Një fakt interesant është se shitjet në total të 3 lojërave të mësipërme, 79.24 milionë, nuk arrijnë 82.9 milionë njësite e shitura të Wii Sports. Një fakt dhe më interesant është se Wii Sports renditet në vendin e 4-t në listën e lojërave më të shitura të të gjithë kohërave, pas GTA V (140 milionë+), Minecraft (200 milionë) dhe Tetris (500 milionë).

Sunday, 18 April 2021 00:37

Geek Room i dedikohet teknologjisë dhe të apasionuarve pas saj përmes informacioneve në
kohë reale dhe videove rreth risive më të reja.
Lidhu me stafin tonë përmes emailit në:
[email protected], [email protected]

Editorial Staff:
Brenton Bënja
Bekim Haveriku 
Xhonald Mamo