Infinity Ward ka reklamuar rikthimin e personazhit më të dashur të publikut, Ghost, ndërkohë që studio përgatitet të prezantojë Call of Duty: Modern Warfare 2 së shpejti.
Në datën 22 prill të gjitha adresat e Infinity Ward u dukën sikur u bënë reset, pasi të gjitha fotografitë u fshinë nga faqja zyrtare në Instagram dhe si foto profili u përdor një sfond i zi. Megjithatë, pas një inspektimi më të thellë, u zbulua se në këtë sfond të zi fshihej një “sekret”.
Ghosts are real.#MWII pic.twitter.com/pEoZBYm4Gl
— Tom Henderson (@_Tom_Henderson_) April 22, 2022
Pas rritjes së ndriçimit të këtij sfondi, u vu re një siluetë e personazhit Ghost i cili ndodhej pas disa shkallëve. Studio konfirmoi se pasardhësi i Modern Warfare të 2019 do të jetë Call of Duty i këtij viti dhe se po punohet për të sjellë një version të rifreskuar të Warzone. Activision Blizzard tregoi se eksperienca në lojën e re “është dizenjuar në kombinim që nga baza” dhe se do të ofrojë një sandbox mode me një evolucion masiv të Battle Royale.
Për momentin dimë se Call of Duty: Warzone do të ketë një crossover zyrtar me Godzilla dhe King Kong. Crossover-i i titulluar “Operation Monarch” do të vijë në datën 11 maj.
