Krejt në të kundërtën e asaj që një kompani në rënie do të bënte, Huawei ka vendosur të sfidojë jo vetëm tregun e sistemeve operative por edhe atë të video-gaming.
Kompani ka në plan të hyjë në industri me anën e pjesëve elektronike, e së pari do ta fillojë me një laptop gaming. Por ajo që është më e rëndësishmja ka të bëjë me një konsole gaming i cili do të pasojë laptopin.
Një konsole për të rivalizuar PlayStation dhe Xbox. Edhe pse nuk ka ende detaje për platformën, duket se nuk do të jetë e bazuar në ARM si Nintendo Switch por diçka më e fuqishme.
Nga ana tjetër është e qartë se në botën e video lojrave më shumë sesa një aparat i fuqishëm kanë rëndësi titujt e lojrave. A do i bëjë dot ballë ekskluziviteteve të emrave tashmë të mëdhenj një konsole e re? Sado e fuqishme qoftë kompania prapa saj.
Vitin e shkuar Huawei lançoi GameCenter, një qendër videolojrash bazuar mbi Huawei Media Services për Android. Konflikti më i fundit me Tencent bëri që ajo t heqë gjithë titujt e kësaj të fundit nga katalogu i saj, por sidoqoftë aty ka ende shumë lojra Android për t’u luajtur. Një librari me lojra që në fillim është goxha fillim i mirë.
