Sony u bë kohë që ngacmon audiencën me indenë se mund të sjellë tituj ekskluziv të Playstation, në platformën PC.
Pavarsisht se drejtori i PS WorldWide Studios ka thënë se nuk do ti lëshojnë të gjitha ekskluzivitetet e tyre, në fund të vitit pritet që Horizon Zero Dawn të vijë pikërisht në PC.
Dhe nëse sitet zyrtare të Sony mund të merren për bazë, sipas vëzhgimeve më të fundit ndoshta edhe God Of War mund ti bashkohet nismës.
Në faqen zyrtare të PlayStation, versioni USA, God Of War nuk e ka më shenjën: “Only on Playstation”.
Një shenjë e cila ndodhet tek të gjithë titujt që Sony ruan me fanatizëm si të sajat, Bloodbourne, Days Gone, Marvel’s Spider-Man etj.
Dhe nga gjithë lista e mëparshme vetëm GoW i mungon kjo shenjë.
Kjo mund të interpretohet në dy mënyra, ose si një gabim i momentit, pasi i njëjti titull tek versioni Australian i faqes, shenja vazhdon të ekzistojë. Por ndoshta Austarlia do e marrë përditësimin më vonë.
Ose pse jo? Në fund të fundit po flasim për një titull fantastik, dhe një ndër video-lojrat më të vlerësuara të dekadës.
Rikthimi i 2018 ishte shumë më tepër sesa një zbatim nostalgjik, por një kryevepër në disa dimensione përfshi këtu edhe atë kinematografik.
Pra po flasim për një super lojë të cilën historia e ndjek nga pas, nëse do të hapej në plaforma më lehtë të aksesueshme si PC do të ishin miliona e miliona dollarë fitime për vetë Sony.
Mund të jetë edhe gabim nuk i dihet, megjithatë le të vazhdojmë të besojmë se ëndrrat mund të bëhen realitet.
