Nisur nga një student i zakonshëm kolegji vetëm pak vite më parë Facebook sot është një superfuqi botërore me shtrirje në industri që nuk na i merr mendja.
Politikat agresive të FB bëjnë që akoma sot e kësaj dite të mbajë një pozicion të fortë edhe si platformë sociale, rreth 2.5 miliard njerëz logohen në të çdo muaj.
Sapo sheh një pikë interesi në popullatë, Facebook mundohet ta përfshijë në platformë, duke rrëshkitur tashmë nga identiteti i parë dhe duke anuar më shumë nga një aplikacion gjithçka bërës si WeChat.
Shtrirja më e fundit është industria e video lojrave, pasi FB lajmëroi në një postim se ditën e sotme lançohet aplikacioni Facebook Gaming.
? Launch announcement ??
1/ We know you’ve waited patiently. Well folks the day has come: we’re launching FarmVille in VR! j/k, sorry, kind mobs of Twitter, don’t @ us! We’re actually launching the Facebook Gaming app on Google Play.
Download NOW ? https://t.co/6wzoSRD3Gj pic.twitter.com/5YzVxmklHm
— Facebook Gaming #playaparttogether (@FacebookGaming) April 20, 2020
Tentativë kjo për të sulmuar fronin e Twitch me 61% të totalit të orëve të shikuara pasuar nga Youtube me 28%.
Aplikacioni do të ketë lojra të vetat që mund të luhen me shoqërinë por fokusi kryesor do të jetë video game streaming ku të gjithë mund të dalin live, të krijojnë audiencën e tyre dhe për më tepër edhe të monetizojnë pasi si në platformat e tjera edhe këtu mund të bëhen donacione.
Si pjesë e fushatës së lançimit Facebook ka lidhur kontrata me talente të gaming si ish ylli i Twitch Gonzalo “ZeRo” Barrios, Corinna Kopf nga YouTube dhe ish kampionen e UFC Ronda Rousey.
Aplikacioni është i disponueshëm që sot dhe për momentin vetëm për platformën Android, në iOS do të vijë pasi të aprovohet nga Apple.
Thuhet se aplikacioni ishte planifikuar për të dalë në qershor por duke parë kërkesën e lartë Zuckerberg nuk mund të priste më gjatë. Për më tepër Facebook po i bashkohet nismës së WHO #playaparttogether.
