EA Sports prezantoi ditën e enjte logon e re që do të përfaqësojë lojën pasardhëse të FIFA, EA Sports FC.
Logoja e re ka një formë trekëndore dhe inspirohet nga “një formë dominuese në kulturën e futbollit që përfaqëson këtë sport në dimensione të ndryshme”. Forma trekëndore është gjithashtu e pranishme në Ultimate Team, që flet për “kiminë” midis lojtarëve, si dhe brenda lojës ku tregon personazhin që keni në kontroll.
EA Sports FC do të jetë loja pasardhëse e FIFA 23, pas përfundimit të partneritetit midis EA dhe FIFA. Logoja e re do të fillojë të reklamohet akoma dhe më tepër gjatë javëve në vijim nga partnerët e EA Sports, duke përfshirë këtu Premier League, LaLiga, Bundesliga, Serie A, Ligue 1, WSL, NWSL, CONEMBOL dhe shumë të tjerë.
The future of football ⚽
#EASportsFC invites you to join the Club in July. pic.twitter.com/Bd2nfGOLbT— PlayStation (@PlayStation) April 6, 2023
Edhe adresat zyrtare të konsolave si PlayStation, Xbox dhe Nintendo kanë shpërndarë logon e re të lojës. Nuk kanë munguar as postimet nga ekipet e mëdha të futbollit si Real Madrid, Liverpool, Manchester City dhe Juventus.
Më tepër detaje rreth EA Sports FC do t’i mësojmë në korrik, dhe në qoftë se ju doni të njoftoheni nga EA direkt mund të regjistroheni në këtë website.
