FIFA 23 nuk është publikuar ende, mirëpo Electronic Arts është duke u përgatitur për të ardhmen e saj pas FIFA. Ditën e djeshme publikuesi lajmëroi për arritjen e një marrëveshje të re me LaLiga në Spanjë, kampionatin elitar të futbollit ku luajnë Real Madrid dhe Barcelona, e cila u cilësua si “një marrëveshje e veçantë disa vjeçare e këtij lloji” që do të nisë nga viti 2023-2024 dhe do të shndërrojë EA në një sponsor të kampionatit.
Ky do të jetë i njejti sezon i cili do të shënojë ndarjen mes FIFA dhe EA, dhe FIFA do të krijojë EA Sports FC. FIFA 23 do të jetë loja e fundit e EA me emrin FIFA në të.
Në marrëveshjen midis palëve do të përfshihen 2 divizionet më të mira të futbollit spanjoll së bashku me kampionatet e moshave të reja dhe kompeticione zyrtare e-sports. Tashmë EA do të ketë të drejtën e përdorimit të emrit për kompeticionet e LaLiga, do të bëjë një ribrandim të plotë duke ndryshuar logot, grafikat, fonts dhe elementë të tjerë vizual.
FIFA 23 do të lançohet në datën 30 shtator të këtij viti, ndërkohë që EA thotë se më tepër detaje rreth EA Sports FC do të jenë të pranishme gjatë verës së ardhshme.
