Electronic Entertainment Expo, e cila dikur ishte ekspozita më e madhe në botë për sa i përket sektorit gaming, ka lajmëruar zyrtarisht fundin e këtij rrugëtimi.
“Pas më shumë se dy dekadash organizimi të një eventi që ka shërbyer si një vitrinë qendrore për industrinë e lojërave në SHBA dhe globalisht, Electronic Entertainment Associaion (ESA) ka vendosur të mbyllë E3”, tha Stanley Pierre-Louis, presidenti dhe CEO i shoqatës tregtare jofitimprurëse që përfaqëson interesat e industrisë së lojërave në SHBA.
Një përzierje e konkurrentëve të rinj, tërheqjet e partnerëve, ndryshimi i zakoneve të audiencës dhe ndërprerjet e epokës së pandemisë çuan në kolapsin e E3, duke i dhënë fund viteve të përpjekjeve për të ringjallur eventin, që filloi për herë të parë në 1995. “Ne e dimë se e gjithë industria, lojtarët dhe krijuesit kanë shumë pasion për E3. Ne e ndajmë atë pasion”, tha Pierre-Louis. “Ne e dimë se është e vështirë t’i thuash lamtumirë një ngjarjeje kaq të dashur, por është gjëja e duhur për të bërë duke pasur parasysh mundësitë e reja që industria jonë ka për të arritur drejt fansave dhe partnerëve.”
Këto mundësi të reja përfshijnë konferencat e prezantimit nëpërmjet videove në internet që ushqejnë informacionin drejtpërdrejt te audienca – pa kostot që lidhen me pjesëmarrjen në një shfaqje, duke përfshirë tarifat e stendave, shpenzimet e udhëtimit dhe afatet strikte për prezantime.
Në vitin 2011, Nintendo hapi rrugën duke krijuar formatin “Direct“, një video konferencë shtypi që njofton lojëra dhe produkte të reja. Në vitin 2018, vendimi i PlayStation për t’u larguar nga ngjarja filloi një efekt domino të shitësve dhe kompanive të tjera që tërhiqnin pjesëmarrjen e tyre.
Pak më shumë se një vit më vonë, ish-bashkëpunëtori dhe gazetari i E3, Geoff Keighley, njoftoi se ai hoqi dorë nga ndihma e ESA-së me shfaqjen dhe që atëherë ka krijuar me sukses eventet e tij, si Summer Game Fest.
Ai gjithashtu ka krijuar dhe Game Awards, ku vlerësohen video-lojrat më të mira të vitit, të cilat mund t’i gjeni këtu.
