Karantina na mbylli të gjithëve brenda dhe kemi kohë që e themi se industria e gaming dhe live streaming nuk mund të gjenin dot kushte më të favorshme.
Së fundmi shifrat gjigande e reflektojnë më së miri këtë.
Sipas StreamElements dhe Arsenal.gg sektori i live streaming u rrit me 45% mes Marsit dhe Prillit, ndërsa vit pas viti me 99%. Dhe gjithçka i atribuohet Covid-19.
Nëse je brenda me shumë siguri je online, duke marrë leksione në Zoom, tutoriale në YouTube dhe koncerte apo gaming në Twitch.
Kjo e fundit ka betonizuar tashmë statusin e platformës live-stream më të madhe në botë me 50% rritje të orëve shikime brenda Marsit e Prillit dhe 101% nga viti në vit. 1.645 bilion orë të para në muaj.
Me Valorant si kontentin kryesor e cila pavarsisht se në beta, shënoi 334 milion orë shikime në Prill. Just Chatting është e dyta me 135 milion orë. Më shumë sidoqoftë se League of Legends dhe Fortnite bashkë.
E ndërsa rritja e Fortnite hedh poshtë pretendimin se është tashmë drejt vdekjes, perfomanca muzikore ka pasur gjithashtu rritje, me artistë të cilët sa vjen e më shumë po zgjedhin Twitch si zëvëndësues të koncerteve live.
Një tjetër emër i madh ka qenë Facebook Gaming me 72% rritje nga Marsi në Prill dhe një kërcim gjigand prej 238% nga viti i kaluar.
YouTube Gaming u rrit me 14% brenda dy muajve dhe 65% nga viti i fundit.
Çfarë mbetet për tu parë është nëse këta numra do të rezistojnë, pasi bota të kthehet në normalitet dhe botës virtuale do ti duhet të konkurojë me atë reale. Një gjë është e sigurt, industria e gaming dhe live-streaming është padyshim kryefjala e momentit dhe e së ardhmes.
