CD Projekt Red ka deklaruar se do të rikrijojë The Witcher duke u bazuar në Unreal Engine 5, së bashku me Fool’s Theory.
Kjo është një ndër 5 lojrat e reja që kompania lajmëroi se janë në krijim e sipër më herët gjatë këtij muaji, dhe më parë ishte emërtuar me emrin e koduar Canis Majoris. Ky do të jetë një remake total, pasi kompania shprehet se loja “do të krijohet nga themelet” në Unreal Engine 5 dhe për momentin është ende në fazat e para të zhvillimit.
Si pjesë e këtij lajmërimi, CD Projekt Red u kërkoi të gjithë fansave të jenë të durueshëm, pasi kompania dëshiron që çdo gjë të jetë perfekte dhe do të marrë të gjithë kohën e nevojshme.
We’re thrilled to reveal that, together with @Fools_Theory, we’re working on remaking The Witcher using Unreal Engine 5 (codename: Canis Majoris)!
We want to do this right, so please be patient — it’s gonna be a while until we can share more details.
⚔️ https://t.co/6VCAokPgXs pic.twitter.com/ERFOXQrUEP— The Witcher (@witchergame) October 26, 2022
“The Witcher është pika ku gjithçka nisi për ne, për CD Projekt Red. Kjo ishte loja e parë që ne kemi krijuar, dhe atëherë ishte një moment shumë i madh. Rikthimi në këtë vend dhe rikrijimi i lojës për gjeneratën e re të gamers është po kaq i rëndësishëm për ne, në mos më tepër.” tha Adam Badowski, drejtues i studios në CD Projekt Red përmes një postimi.
Canis Majoris është një ndër projektet më të rëndësishme të CD Projekt, pasi kjo është hera e parë që studio po bashkëpunon me një zhvillues të palës së 3-të, Fool’s Theory.
