Warcraft Arclight Rumble është loja më e re e prezantuar nga Blizzard për mobile. Kjo lojë ofrohet falas për t’u luajtur dhe është shumë e ngjashme Warcraft-in tradicional. Lojtarët do të kenë mundësinë të përzgjedhin një ndër 5 llojet e liderëve, të cilët do të komandojnë trupat apo “mini-t” në fushën e betejës. Modalitetet e ofruara do të jenë PvE (person vs environment) apo PvP (person vs person), ku lojtarët duhet të grumbullojnë sa më tepër ar për të aktivizuar sa më tepër minionë të fuqishëm për të përmbyllur objektivat.
Warcraft Arclight Rumble u zbulua për herë të parë e fshehur në raportimin e fitimeve të 3 mujorit të Blizzard në muajin shkurt. Kompania fillimisht kishte në plan të krijonte 2 lojra të ndryshme Warcraft, ku njëra prej tyre do të kishte një format të ngjashëm me Pokemon Go. Gjatë javës së kaluar, Jason Schreier nga Bloomberg tregoi përmes një tweet-i se zhvillimi i lojës ka ndaluar.
Gjatë javëve të fundit Blizzard ka publikuar shumë lajmërime të ndryshme, ku u vendos data e lançimit të Diablo Immortal (2 qershor), u publikua shtimi më i ri Dragonflight në World of Warcraft dhe Overwatch 2 u fut në testim beta.
Ju mund të regjistroheni për Warcraft Arclight Rumble tashmë në Google Play për t’u njoftuar në momentin kur loja do të jetë e aksesueshme.
