Të gjithë personat që kanë planifikuar të shkojnë në Venecia gjatë vitit të ardhshëm, duhet të përgatiten pasi qeveria italiane ka në plan të vendosë një tarifë hyrje për të gjithë turistët.
Sipas mediave lokale, duke filluar nga janari i vitit 2023, turistët do të duhet të bëjnë një rezervim më herët dhe të paguajnë një tarifë. Biletat do të kushtojnë nga $3.25-$10.85 në varësi të periudhës së vitit. Turistët që nuk kanë një biletë hyrëse do të largohen në hyrje të qytetit nga zyrtarët e shtetit.
“Sot shumë persona kanë kuptuar se rezervimi për të shikuar qytetin është është një hap i nevojshëm për një menaxhim më të balancuar të turizimit. Ne do të jemi të parët në botë që marrim një hap të tillë.” tha kryetari i bashkisë së Venecias, Luigi Brunaro.
Autoritetet italiane e kishin planifikuar një masë të tillë që para ardhjes së COVID-19, si një masë për të ulur numrin e turistëve në qytet. Bazuar në statistikat e grumbulluara nga autoritetet italiane, rreth 80,000 njerëz vizitojnë Venecian çdo ditë.
Gjithashtu, për shkak të numrit të lartë të turistëve që futeshin në qytet çdo ditë, autoritetet ndaluan anijet e mëdha që të futeshin në këtë territor.
“Venecia është një qytet i vogël dhe tepër delikat. Prandaj numri i vizitorëve duhet të jetë i përshtatshëm me madhësinë e qytetit. Nëse nuk ka hapësirë, ju nuk do të mund të futeni në qytet.” shtoi kryetari i bashkisë.
