Trupat e mumifikuar të alienëve rikthehen në Kongresin Meksikan me prova të reja që tregojnë se ato janë të vërtetë

Kongresi Meksikan u kthye sërish në spektakël pasi gjuetarët e alienëve erdhën për një seancë të dytë në të cilën ata pretenduan se kishin në zotërim kufoma jashtëtokësore.

Jaime Maussan së bashku me një sërë mjekësh treguan se trupat ishin trupa të organizmave të vërtetë, dikur të gjallë – disa ekspertë pretenduan se kishin studiuar “pesë ekzemplarë të ngjashëm për katër vjet“. Fotot e reja dhe rrezet X iu shfaqën Kongresit të martën, me studiuesit që pretendojnë se imazhet vërtetojnë se “ato janë të vërteta“. Ekspertët gjithashtu treguan se ADN-ja e tyre është hibride, duke sugjeruar se trupat ishin pasardhës të qenies njerëzore.

“Ne kemi një qenie hibride, kemi qenie të tjera që me sa duket janë më të evoluar se ne… ne po përballemi me diçka vërtet të jashtëzakonshme”, tha Maussan. Ndërsa ai dhe ekipi i tij deklaruan se kufomat e mumifikuara, të quajtur Clara dhe Mauricio, ‘janë të vërteta’, ekspertët nuk kishin një histori për origjinën e tyre duke nënkuptuar pasigurinë e tyre se trupat “mund të ishin jashtëtokësorë’.

Në seancën e së martës, Maussan u përqendrua në vërtetimin se trupat nuk ishin të rremë duke ofruar njohuri nga ekspertë mjekësorë. “Asnjë nga shkencëtarët nuk thotë se [rezultatet e studimit] provojnë se ata janë jashtëtokësorë, por unë shkoj më tej,” tha ai, duke sugjeruar se ato mund të jenë prova e formave të jetës jashtëtokësore.

Maussan solli një skuadër ekspertësh mjekësorë, të cilët kishin një letër të nënshkruar nga 11 studiues nga Universiteti Kombëtar San Luis Gonzaga në Ica, Peru, duke deklaruar të njëjtën gjë. Antropologu Roger Zuniga i Universitetit Kombëtar San Luis Gonzaga në Ica Peru tha të martën: “Nuk kishte absolutisht asnjë ndërhyrje njerëzore në formimin fizik dhe biologjik të këtyre qenieve.” Megjithatë, letra e bëri të qartë se ekipi nuk po nënkuptonte se trupat ishin ‘jashtëtokësorë’, por nuk u përgjigj se ku e kishin origjinën eshtrat.