Donald Trump tha se CEO i Apple, Tim Cook e thirri atë në telefon për të diskutuar rreth miliarda dollarëve që Apple është gjobitur në Bashkimin Evropian. Trump e bëri deklaratën gjatë paraqitjes së tij në PBD Podcast – dhe tha se ai nuk do ta lejojë BE-në të “përfitojë” nga kompanitë amerikane si Apple nëse zgjidhet president.
“Dy orë më parë, tre orë më parë, [Cook] më telefonoi”, tha Trump. “Ai tha se Bashkimi Evropian sapo na ka gjobitur 15 miliardë dollarë… Më pas, mbi të, ata u gjobitën nga Bashkimi Evropian edhe 2 miliardë dollarë të tjerë.”
Në mars, BE gjobiti Apple rreth $2 miliardë pasi zbuloi se Apple përdori dominimin e saj për të kufizuar aplikacionet e transmetimit të muzikës që t’u tregonin klientëve për marrëveshjet më të lira të abonimit jashtë App Store. BE-ja më vonë fitoi luftën e saj për ta detyruar Apple të paguajë $14.4 miliardë taksa të papaguara.
“[Cook] tha diçka që ishte interesante”, tha Trump. “Ai tha se ata po e përdorin gjobitjen për të drejtuar ndërmarrjen e tyre, pra Evropa është ndërmarrja e tyre. Unë thashë: “Kjo është një shumë e madhe… Por Tim, unë duhet të zgjidhem si fillim, por nuk do t’i lejoj ata të përfitojnë nga kompanitë tona – kjo nuk do të ndodhë.”
Gjatë një interviste këtë javë, Trump tha se foli dhe me CEO e Google, Sundar Pichai për t’u ankuar për të gjitha “historitë e këqija” që motori i kërkimit tregon për të. Elon Musk foli së fundmi në një tubim të Trumpit në Pensilvani.
