Studimet tregojnë se një person mesatar shpenzon rreth 90,000 orë duke punuar gjatë jetës së tij. Për sa kohë që ne i dedikojmë kaq shumë kohë punës, duhet të kuptojmë se marrja e një vendimi për nisjen e një karriere është shumë i rëndësishëm.
Përmes analizimit të të dhënave të ndryshme, studiuesit kanë përcaktuar disa profesione të veçanta të cilat mund të shkaktojnë më tepër stres tek njerëzit se sa profesionet e tjera. Stresi nuk është i lidhur vetëm me problemet me shëndetin/mendore që një person zhvillon, por edhe me rritjen e rrezikut për zhvillimin e varësisë ndaj këtij profesioni.
Më poshtë do të listojmë 12 profesionet që shkaktojnë më tepër stres tek njerëzit:
12. Taksistët (Stress Score 48): Çdo ditë taksistët përballen me situata stresuese si përshembull orët e zgjatura të punës, trafiku i rënduar, pasagjerët e tensionuar që po nxitojnë e shumë probleme të tilla.
11. Infermierët (Stress Score 48): Rreth 70% e infermierëve përballen me situate stresuese dhe lodhëse gjatë punës së tyre, kryesisht nga oraret e zgjatura, ekspozimi i vazhdueshëm ndaj patogjenëve si dhe përgjegjësia që kanë në përkujdesjen e të sëmurëve.
10. Drejtuesit e lartë ekzekutivë (Stress Score: 49): Këta persona janë shumë të stresuar në punën e tyre të përditshme për shkak të marrjes së vendimeve tepër të rëndësishme që sigurojnë suksesin e një kompanie.
9. Marrëdhëniet me Publikun (Stress Score: 50): Jetojmë në një periudhë ku informacioni mund të shpërndahet shumë shpejt, dhe nevoja për të krijuar një reputacion pozitiv të kompanisë si dhe zgjidhja e problematikave që zhvillohen brenda disa minutash ja vështirësojnë punën punonjësve në këtë sektor.
8. Raportuesit në gazeta (Stress Score: 50): Përtej pasionit të tyre të jashtëzakonshëm për këtë punë, raportuesit në gazeta shpesh herë kanë nivele të larta stresi për shkak të ankthit, afateve të ngushta kohore si dhe drejtuesit që kërkojnë gjithnjë e më shumë.
7. Koordinatorët e eventeve (Stress Score: 51) : Faktori kryesor stresues në këtë profesion është sigurimi i mbarëvajtjes së një evenimenti pa patur aspak hapësirë për gabime. Por profesioni bëhet akoma dhe më i vështirë kur ke të ftuar që nuk shfaqen në festë, ndryshime të sekondave të fundit e problematika të tjera.
6. Oficerët e policisë (Stress Score 52): Policët janë gjatë gjithë kohës nën stress pasi kanë për detyrë të ruajnë sigurinë e publikut, t’u përgjigjen menjëherë telefonatave emergjente si dhe të përballen me situata të paparashikuara.
5. Kirurgët (Stress Score: 53): Përgjegjësia e madhe që kirurgët kanë në duart e tyre bëjnë që ky profesion të jetë ndër më stresuesit në botë.
4. Pilotët (Stress Score: 61): Ditët e punës mund të jenë tepër stresuese duke ditur se je duke fluturuar në një lartësi shumë të madhe me qindra pasagjerë në bord.
3. Zjarrfikësit (Stress Score: 72): Zjarrfikësit kanë për detyrë t’i përgjigjen emergjencave dhe të futen në situata ku shumë persona shmangen instiktivisht.
2. Personeli ushtarak i rekrutuar (Stress Score 73): Rreth 40% e këtij personeli përjetojnë një stres tepër të madh nga puna që bëjnë, kryesisht për shkak të lodhjes fizike, ankthit, afateve kohore dhe shumë faktorëve të tjerë.
1. Nxjerrja e naftes (Stress Score:74): Këta punonjës janë ndër më të stresuarit për shkak të punës, pasi janë të detyruar të punojnë në orare të zgjatura, kanë lodhje shumë të rëndë fizike dhe punojnë në kushte shumë të vështira.
