Shumë njerëz në mbarë botën janë të varur nga përdorimi i internetit në kryerjen e aktiviteteve të përditshme, duke filluar që nga edukimi, puna, shëndetësia apo aktivitetet e ndryshme socioekonomike. Varësia është kaq e madhe, saqë aksesi në internet duhet të konsiderohet si një e drejtë njerëzore, sipas studimit të ri.
Kjo gjë është e nevojshme në mënyrë të majme kryesisht në vendet në zhvillim, ku aksesi në internet mund të bëjë një diferencë në marrjen e edukimit, gjetjen e një shtëpie apo dhe punësimin. Dhe pse njerëzit kanë mundësi të tjera për të kryer këto aktivitete, janë qartësisht në një disavatazh në krahasim me njerëzit që kanë akses në internet.
Dr. Merten Reglitz publikoi zbulimet e tij në revistën Politics, Philosophy and Economics, ku bën thirrje që aksesi në internet të jetë një e drejtë njerëzore, pasi është një nevojë në ditët e sotme.
Ai kërkon që autoriteti publik të ofrojë akses falas në internet për të gjithë personat që nuk kanë mundësinë të paguajnë për trajnime si dhe të mbrojnë përdoruesit nga ndërhyrjet arbitrare nga shteti apo kompanitë private.
Në studimin e tij Dr. Reglitz përmend gjithashtu dhe problemin e ndjekjes së arsimit, duke marrë si shembull zonën Afrikane nën shkretëtirën e Saharasë. Vetëm 20% e fëmijëve nga mosha 6-11 vjeç nuk shkojnë më në shkollë, pasi përballen me probleme si largësia nga shkolla, kushtet shumë të këqija në shkollë si dhe mungesa e librave.
