Një patentë e re nga Sony është vënë re, por nuk ka të bëjë fare m PS5 apo DualSense.
Një regjistrim në United States Patent and Trademark Office tregon se Sony po punon për një robot shoqërues autonom me inteligjencë artificiale për të folur apo ndarë emocione me lojëtarin ndërsa luan.
Përveç historisë së browserit dhe preferencave do të na llogariten edhe emocionet mesa duket.
Roboti do të ketë “njësi kuptimi ndjenjash” e aftë për të lexuar gjëndjen emocionale, një “njësi menaxhuese të gjëndjes së brendshme” e cila do të përcaktojë gjëndjen e brendshme të robotit në varësi të ndjenjave të lojtarit, një “njësi menaxhimi aksioni” për të kuptuar ç’duhet të bëjë dhe një “njësi proçesimi të outputit” që do të ekzekutojë veprimin. Mikrofona, speakera, kamera dhe sensorë biologjik për rrahjet e zemrës apo gjëndjes së djersës do të jenë disa nga funksionet e tjera.
Veç ndihmës emocionale një mik i tillë mund të shërbejë për të të kujtuar limite të ndryshme, si dehidratimin, ndërrimi i pozicionit apo telefonatat emergjente në raste kritike.
Për më tepër Sony do ta prezantojë edhe në formën e një asistenti digjital i cili do të të shoqërojë kur luan me VR.
Sidoqoftë jo çdo patentë e regjistruar del shpejtë në treg apo e sheh ndonjëherë dritën e diellit. Një produkt i ngjashëm u regjistrua nga Sony edhe një vit më parë dhe asgjë nuk kemi parë akoma.
Kompania nga ana tjetër nuk është fare pa eksperiencë, kujtojmë këtu qenin robot Aibo i cili do të ishte interesant nëse do ti shtoheshin të gjitha aftësitë e mësipërme.
