Snapchat po i futet filmave? Mesa duket po dhe jo filmave dosido, por të xhiruar me syzet e veta me AR Snapchat Spectacles.
“First Person” është në fakt i pari nga serialet origjinale që kompania ka vendosur të prodhojë. Ai trajton një çështje shumë të rëndësishme për globin siç janë ndryshimet klimaterike.
Seriali do të prodhohet nga gazetari Yusuf Omar, i cili thotë se i ka mbajtur syzet Spectacles çdo ditë të jetës që nga 2016. Ai ka ndihmuar një sërë gazetarësh të prodhojnë materiale edhe vetëm me smartphone, pandemia dhe zonat e largëta kanë ndikuar mjaft në aksesin ndaj informacionit.
Syzet u dërguan në gjashtë shtete të ndryshme, njerzit i përdorën për të dokumentuar punën që ata po bëjnë për të luftuar ndryshimet klimaterike. Xhirimi me syze nuk është vetëm një metodë produksioni por edhe një mënyrë për të angazhuar shikuesin të shohë situatën nga perspektiva e një aktivisti.
Meqë kanë edhe Augumented Reality të integruar në to, mjaft efekte janë përfshirë në film, si për shembull të çara në tokë për të treguar thatësirën apo re me dioksid karboni në qiell etj.
“First Person” do të ketë premierë këtë të shtunë më 24 tetor.
