Partia Komuniste e Kinës prej disa vitesh ka filluar të krijojë një sistem renditje që do të monitorojë sjelljen e popullit masiv, dhe do t’i rendisë ato në bazë të “social credit”.
Ky sistem u prezantua për herë të parë në 2014 dhe u konsiderua si “një komponent i rëndësishëm i sistemit socialist të ekonomisë dhe të qeverisjes”, i cili ka si qëllim përforcimin e idesë që “mbajtja e besës është e lavdishme ndërsa thyerja e saj është e turpshme”, sipas një dokumenti zyrtar.
Renditja do të vendoset nga ekipi planifikues i ekonomisë në Kinë që përbëhet nga National Development and Reform Commission, Banka Popullore e Kinës dhe sistemi gjyqësor Kinez.
Drejtimi i keq i makinës dhe borxhi do t’i ulë shumë pikë qytetarëve në “social credit”
Njësoj si pikët private të kreditit, dhe “social credit” në Kinë mund të lëvizë në vende të ndryshme në bazë të sjelljeve të qytetarëve.
Nëse ato drejtojnë makinën në mënyrë të gabuar, blejnë shumë video-lojëra, postojnë lajme të rreme online, sidomos rreth sulmeve terroriste apo sigurisë në aeroporte “social credit” i tyre do të zvogëlohet. Gjithashtu luajtja e video-lojërave për një kohë të gjatë, shpenzimi i parave në blerje “të kota” apo postimi i shpeshtë në rrjetet sociale mund ta ulin social credit.
Dënimet mund të vijnë në disa forma, si përshembull ndalimi i udhëtimeve, interneti i ngadaltë dhe ndalimi i edukimit më të lartë.
Autoritetet kineze i kanë hequr të drejtën e fluturimit qytetarëve mbi 17.5 milionë herë që nga 2018, sipas National Public Credit Information Centre.
Shumë personave të tjerë i është peguar aksesi në hotelet luksoze dhe në seksionin business-class të trenit.
“Qytetarët e këqinj po dënohen, mirëpo sistemi vlerëson qytetarët e mirë”
Personat me vlera të larta të social credit kanë disa përfitime të ndryshme, si përshembull përshpejtimi i aplikimit për udhëtim drejt vendeve si Evropa. Një grua e paidentifikuar tregoi për BBC në 2015 se ajo arriti të rezervonte në një hotel pa patur nevojën e lënies së një depozite në cash pasi ajo kishte një social credit të lartë.
