Studimi më i ri që sugjeron se infektimi me COVID-19 ka patur një ndikim në tru, krahasoi efektet e sulmeve të rënda të virusit me nivelin e rënies së aftësive njohëse që ndodh midis moshës 50-70 vjeç. Studiuesit treguan se sulmet e rënda mund të shkaktojnë një dëm në tru të barabartë me humbjen e 10 pikëve në koeficientin e inteligjencës.
Ky ndikim i qëndrueshëm i COVID-19 në miliona persona të infektuar po vlerësohet vazhdimisht dhe pas më tepër se 2 vitesh të përhapjes së pandemisë. Ekspertët po ekzaminojnë mekanizmat preçize që shkaktojnë efektet neurologjike dhe po studiojnë nëse simptomat do të jenë të përkohshme ose të përhershme.
Nga ana tjetër Alzheimer’s Disease International tregoi se efektet e koronavirusit mund të nxisin një vatër të përhapjes së “pandemisë së demencës”, por ekspertë të tjerë sugjerojnë se “zbulimet shqetësuese sipërfaqësore” nuk janë aq shqetësuese sa mendohej.
“Problemi është se ekzistojnë aq shumë faktorë social, presione dhe strese që lidhen me kohët e pandemisë që ‘ndot ujrat’.” thotë Serena Spudich, profesore e neurologjisë në Yale School Medicine.
Ndarja e efekteve të koronavirusit me elementët e tjerë të lidhur në mënyrë indirekte me të mbetet një enigmë në progres për studiuesit.
