Një studim i ri mund të shpjegojë arsyen se përse pesha juaj pas festave të fundvitit mund të jetë rritur me disa kilogram, ndërkohë që anëtarët e familjes tuaj, të cilët konsumuan të njejtën sasi ushqimi nuk kanë shtuar asnjë kilogram.
Studiuesit morën në studim disa rezidentë në Danimarkë për të krahasuar se sa energji marrin nga ushqimi i tyre, duke u bazuar në analizën e feçeve të tyre dhe mikrobeve që gjenden në to. Ato zbuluan në 40% të pjesëmarrësve kanë mikrobe të cilat tërheqin më tepër energji nga ushqimi, krahasuar me 60% të pjesëmarrësve të tjerë.
Në përfundim studiuesit treguan se në përqindje të ngjashme dhe popullatat e tjera mund të shfaqet i njejti problem pasi kanë këto bakterie në trupin e tyre, që tërheq një pjesë të madhe të energjisë që vjen nga ushqimi dhe bëjnë që njerëzit të mos shtojnë peshë.
Autorët e këtij studimi janë ekspertët nga University of Copenhagen në departamentin e të ushqyerit, stërvitjes dhe sportit. “Ne mund të kemi gjetur çelësin që zbulon se përse disa njerëz shtojnë më tepër peshë se persona të tjerë, dhe pse sasia e ushqimeve për të dy personat mund të jetë e njejtë.”
Studiuesit e përshkruajnë koloninë e mikrobeve si një “galaksi e tërë në zorrët tona”, të cilët janë më tepër se 100 miliardë për gram feçesh.
