Disa shkencëtarë nga Finlanda kanë krijuar për herë të parë kafen e gjeneruar gjenetikisht në një laborator, e cila ka të njejtën aromë dhe shije si kafeja e vërtetë. Ato përdorën një proçes të quajtur agrikulturë qelizore, e cila përfshin nxjerrjen e qelizave nga një provëz e vogël e marrë nga bimët apo kafshët.
Ky proçes është përdorur dhe më parë për krijimin e mishit dhe qumështit artificial. Në rastin më të fundit, shkencëtarët morën qeliza nga Arabica, një bimë mjaft e njohur që përdoret në 56% të tregut të kafesë. Këto qeliza më pas u transferuan në bioreaktorë për të prodhuar biomasën që thahet dhe është e gatshme për përdorim.
Me kafenë e krijuar në laborator, studiuesit besojnë se do të arrijnë të shmangin problemet që gjenden në ditët e sotme në industinë e kafesë, si përshembull nevoja e hapjes së vendeve të reja për mbjelljen e bimëve të kafesë në mënyrë që të sigurohet sasia e duhur për tregun.
“Ky proçes përdor qelizat e vërteta të bimës së kafes” tha Dr Heiko Rischer, drejtues i bioteknoligjisë në institutin VTT të Finlandës për New Atlas. “Për sa i përket shijes dhe aromës, paneli ynë i trajnuar me sensorë dhe ekzaminimet analitike gjetën ngjashmëri të shumta me kafenë origjinale.” shtoi ai.
