Shkencëtarët kanë zhvilluar një metodë të re për të ndaluar rritjen e melanomave, e cila shpresohet se një ditë do të trajtojë në mënyrë të suksesshme kancerin.
Melanoma është kanceri i 5-të më i përhapur në Mbretërinë e Bashkuar, me më tepër se 16,000 raste të reja të zbuluara çdo vit. Tashmë shkencëtarët nga Amerika kanë treguar për herë të parë se frenimi i një enzime kryesore metabolike është efektiv në vrasjen e qelizave kanceroze në lëkurë dhe parandalon rritjen e tumorit.
Shkencëtarët besojnë se këto zbulime, të publikuara në Nature Cell Biology, mund të çojnë në zhvillimin e një klase të re ilaçesh në trajtimin e melanomave. Drejtuesi i këtij studimi, Ze’ev Ronai, shpjegoi se melanoma nuk mund të mbijetojë dhe të rritet pa praninë e një enzime të quajtur GCDH, e cila luan një rol kryesor në metabolizimin e aminoacideve.
Frenimi i GCDH çon në një ndryshim të strukturës së proteinës NRF2, e cila më pas fiton aftësinë për të luftuar qelizat kanceroze, tha Ronai. “Tashmë qëllimi në është të gjejmë një ilaç të ri që limiton aktivitetin e GCDG.” shtoi ai.
Me sa duket ky zbulim ishte efektiv vetëm për melanomat, pasi eksperimentet të tilla për kancerin e mushkërive, gjoksit apo llojeve të tjera nuk ishin efektive.
