Aktualisht të gjithë personat që do të fluturojnë me një linjë të caktuar ajrore e kanë të ndaluar marrjen me vete të pijeve me masa më të mëdha se 100ml në çantat e dorës. Megjithatë pritet që kjo gjë të ndryshojë në vitin 2024.
Një tjetër rregull që pritet të ndryshojë brenda dy vitesh është dhe heqja e laptopit nga çanta e dorës. Aeroporteve më të mëdhenj në Mbretërinë e Bashkuar iu është vendosur një afat kohor deri në mesin e vitit 2024 për të instaluar skaner më të avancuar, të njejtë me ato që përdoren në spitale, për të bërë të mundur ndryshimin e rregullave.
Arsyeja kryesore e heqjes së këtyre rregullave është sepse ato shkaktojnë vonesat më të mëdha në aeroport. Rregulli i pijeve nën 100ml u prezantua në vitin 2006 si një masë parandaluese ndaj terroristëve që transportonin lëndë eksplozive të lëngshme dhe besohej se do të ishte e përkohshme.
Skaneri i ri 3D i çantave ka nisur të testohet në aeroportet Heathrow dhe Gatwick. Departamenti i Transportit ka treguar se në aeroportet madhore të Mbretërisë së Bashkuar teknologjia e vjetër e skanimit do të duhet të zëvëndësohet tërësisht deri në vitin 2024.
“Ne sapo kemi nisur zgjerimin e zonës së sigurisë në Terminalin 3 që do të ketë më tepër skanera. Deri atëherë do të zbatojmë rregullat që janë në fuqi.” tha drejtuesi i aeroportit Heathrow, John Holland-Kaye.
