Pavarsisht nëse je apo jo një i apasionuar i yjeve dhe qiellit, sa herë që shohim një yll të bjerë të gjithë mahnitemi.
Netë spektakli do të jetë kjo fundjavë pasi do të ketë lëvizje në qiell. Por nuk do të jenë yje, janë satelitë të Starlink nga SpaceX.
Çfarë është Starlink? Një projekt që synon të ngrejë një mega konstelacion prej më shumë se 40000 satelitë në orbitë.
Një ndërmarrje e SpaceX e cila drejtohet nga Elon Musk.
Musk shpreson se një ditë kjo infrastrukturë do të lëshojë internet në të gjithë botën, shumë herë më shpejt se kabujt ndër-kontinental.
Qëllimi i vërtetë është të çojë internet edhe në zonat më të errëta, pasi më shumë se gjysma e popullsisë jeton në errësirë totale digjitale. Gjithçka do të duhej është një antenë prej 100-200 dollarësh dhe i gjithë fshati, në secilin prej vendeve të botës së tretë do të ketë internet më në fund, duke hapur një botë me mundësi për pjesën tjetër të popullatës.
Më shumë se 300 satelitë janë ngritur deri tani, synohen 12,000 për momentin dhe deri në 42,000 në të ardhmen.
SpaceX po lëshon nga 60 setelitë për çdo fluturim dhe kalimi që bëjnë në qiellin e natës është një spektakël për të mos u humbur ndaj Geek Room të vjen në ndihmë si të mos e humbësh.
Nuk duhet teleskop pasi satelitët fluturojnë në lartësi të ulët dhe qielli është për fat i qartë këto netë.
Kur mund të shijosh spektaklin e Stralink?
Satelitët do të kalojnë si një kometë e ngadaltë mbi Shqipëri diku pas orës 20:30.
Mjafton të futesh KETU, jep lokacionin tënd dhe shiko orarin e saktë se kur do të jenë mbi qiellin e shtëpisë tënde për ditën e shtunë, dielë, hënë dhe martë.
Për të gjetur orientimin nga ku duhet të shohësh, kliko mbi “See where it will appear in your sky”.
Sigurohu që të jesh në një vend pa shumë drita të jashtme dhe mos e shiko ekranin e smartphonit për shumë gjatë që sytë të jenë gati.
Në fund bëje dhe ti një foto të kësaj shfaqje qiellore, dhe postoje në Instagram Story me tag @geekroom – Ne do t’i bëjmë repost të gjitha postimet tuaja.
Bonus Point: Disa prej jush mund të mos e kenë orientimin e duhur në ballkon. Në këto raste, Geek Room ju kujton se taraca e pallatit është një zgjidhje e mirë për të shijuar këtë event.
