Për sa para keni nevojë në mënyrë që të jetoni një jetë “absolutisht ideale”? Përgjigja e shumicës së njerëzve, sipas një studimi të kryer nga Universiteti i Psikologëve është rreth $10 milionë, por jo nga shtetasit e SHBA, pasi ato mendojnë se kanë nevojë për të paktën $100 milionë, madje shpesh herë insistojnë për $100 miliardë.
Akademikët në universitetet e Bath, Bath Spa dhe Exeter zbuluan se përkundër besimit që të gjithë njerëzit duan të jenë sa më të pasur të jetë e mundur, shumë prej tyre do të ishin të kënaqur dhe me vetëm disa milionë.
Në studimin ku morën pjesë pothuajse 8,000 njerëz nga e gjithë bota u zbulua se në 86% të shteteve, pjesa më e madhe e njerëzve mendojnë se mund të arrinin ëndrrat e tyre me $10 milionë ose më pak.
Në Argjentinë, Indi dhe Rusi më tepër se 50% e njerëzve do të ishin në rregull me $1 milionë ose më pak. Por në SHBA pjesa më e madhe e të anketuarve treguan se kanë nevojë për më tepër se $100 milionë ose më tepër për të jetuar një jetë ideale, ose $100 miliardë për 31% të anketuarve të tjerë.
Në Mbretërinë e Bashkuar përgjigja më e përdorur ishte $10 milionë ose më pak. Dr Paul Bain, drejtuesi i studimit tha se dhe pse këto shifra duken sikur janë shumë para, nëse kosiderohet se këto para përfaqësojnë jetën ideale të një personi, duken të jenë vlera mesatare.
