Gjatë fundjavës disa mbetje të një rakete kineze të dalë jashtë kontrollit u përplasën në Tokë në oqeanet Indian dhe Paqësor. Më parë studiuesit ishin të frikësuar se mos booster-i i raketës Long March 5B mund të përplasej në zonat e populluara, megjithëse ekzistonte vetëm një % e vogël që kjo gjë të ndodhte.
Megjithatë, NASA e akuzoi Kinën për mos shpërndarjen e informacioneve të sakta të trajektores së raketës që nevojiteshin për të përllogaritur saktësisht se ku kjo raketë do të përplasej. Gjithashtu një tjetër mbetje hapësinore 3m e gjatë, e cila mendohet të vijë nga anijet kozmike të Elon Musk u përplas në fermën e një qytetari Australian me një shpejtësi prej 25,000km/h.
Këto evente kanë rritur më tepër shqetësimet rreth rrezikut të njerëzimit nga mbetjet hapësinore, dhe pse ekspertët tregojnë se ekziston një përqindje shumë e vogël që kjo gjë të ndodhë.
Një studim i kryer nga shkencëtarët në University of British Columbia në Vancouver lajmëroi se rreziku që mbetjet hapësinore të vrasin një person gjatë dekadës së ardhshme ishte rreth 10%.
Megjithatë Jonathan McDowell, një astrofizikant në Qendrën e Astrofizikës, tregoi se dhe pse numri i mbetjeve hapësinore po rritet dita-ditës, kjo gjë nuk sjell më tepër rrezik për humanët. “Shumica e shteteve po tregohen tepër të kujdesshëm me shkatërrimin e mbetjeve të mëdha hapësinore në mënyrë të sigurt.” tha ai.
