Themeluesi i Virgin Galactic, Richard Branson ka shitur një pjesë të aksioneve të tij me vlerë $300 milion në këtë kompani për të financuar sipërmarrjet e tjera të tij.
Disa nga anlistët në Wall Street i nënvlerësuan aksionet duke cituar mungesën e fluturimeve të planifikuara pasi kompania do të futet në një periudhë mirëmbajtjeje një mujore. Branson shiti 10.4 milionë aksione të Virgin Galactic gjatë kësaj jave në çmime që variojnë nga $25.75 deri në $34.39 për aksion. Pas kësaj shitjeje masive vlera e aksioneve ra me 2.2% në $25.37.
Ditën e mërkurë, Morgan Stanley tha në një shënim për klientët se entuziazmi rreth Virgin Galactic do të bie pasi nuk janë planifikuar udhëtime për një periudhë të caktuar.
“Virgin Group vazhdon të jetë aksioneri më i madh i Virgin Galactics. Paratë e gjeneruara nga kjo shitje do të përdoren për bizneset e fluturimit dhe pushimeve të prekura nga pandemia COVID-19 bashkë me zhvillimin e bizneseve të reja.” tha kompania mëmë e Branson në një deklaratë për shtyp.
Kjo është hera e tretë që Branson shet aksione që pas shpalljes publike të Virgin Galactic në 2019. 2 sasitë e mëparshme të shitura kishin vlerën $504.5 milionë dhe $150.3 milionë në maj të 2020 dhe prill të 2021 respektivisht.
