Nëse ju keni mbetur disi i zhgënjyer nga përfundimi i sezonit të parë të Squid Game, lajmi se regjizori Hwang Dong-hyuk ka konfirmuar se seriali do të ketë një sezon të dytë mund t’ju lumturojë sadopak.
Asocciated Press publikoi një pjesë të shkurtër të intervistës me regjizorin e Squid Game në Twitter ku ai tregoi se së shpejti do të vijë një tjetër sezon që do t’ju mbajë të mbërthyer pas ekranit. “Gjithçka është në kokën time. Aktualisht jam në proçesin e planifikimit.”
COMEBACK SQUID: Hwang Dong-hyuk, the director, creator, writer of #SquidGame says the show will be back with more Gi-hun adventures. pic.twitter.com/uqC1DIdZqy
— AP Entertainment (@APEntertainment) November 9, 2021
Sigurisht kjo gjë nuk mund të jetë një surprizë, pasi Squid Game u shndërrua në serialin më të ndjekur në platformë javët e para të lançimit, duke regjistruar 111 milionë shikime në vetëm 17 ditë. Squid Game ishte një hit aq i madh saqë Netflix e shfrytëzoi këtë rast për të shtuar dhe 3 filma të tjerë të Hwang Dong-hyuk në platformë.
“Ka pasur shumë presion, shumë kërkesë dhe shumë dëshirë për një sezon të dytë. Prandaj unë ndihem sikur ndjekësit nuk na lanë asnjë mundësi tjetër.” shtoi ai.
Dong-hyuk nënvijëzoi se është akoma shumë herët për të treguar se për çfarë do të flitet në sezonin e ardhshëm dhe se kur ky sezon do të publikohet, por ai premtoi se Gi-hun do të rikthehet dhe do të bëjë diçka për botën.
