Në të gjithë SHBA po merren shumë raportime nga njerëz të ndryshëm të cilët pretendojnë se kanë parë UFO. Rezidentët në shtete të ndryshme kanë mbetur pa fjalë pasi janë përballur me disa drita tepër të çuditshme, të cilat në fakt vijnë nga një fenomen atmosferik.
Këto drita të çudtishme shfaqen gjatë netëve të ftohta të dimrit, ndërkohë që kristalet e akullit që gjenden në ajër reflektojnë dritën e Tokës.
Meteorologu i AccuWeather, David Samuhel tha në një deklaratë për shtyp: “Tipikisht, kristalet e akujve janë aq të vogla sa që qëndrojnë pezull në ajër kur temperaturat janë nën zero, midis -10 dhe -20 gradë F.”
Shumica e këtyre dritave janë shfaqur në shtete të ndryshme në Amerikë ndërkohë që ngricat kanë përfshirë pothuajse të gjithë kontinentin. Në disa shtete si Minnesota, temperaturat shkuan deri në -21 gradë Celsius. Arsyeja se përse njerëzit u shqetësuan nga këto drita ishte sepse ato nuk kishin parë asnjëherë një ndriçim kaq të fortë dhe të gjatë ndër vite.
Kristalet e akullit funksionojnë si pasqyra të vogla, që qëndrojnë pezull ose bien me shpejtësi shumë të ngadaltë drejt Tokës, dhe reflektojnë dritën. Dhe pse njerëzit mund të mendojnë se këto drita janë të vendosura si shtylla, ky është thjesht një iluzion optik.
