Një zyrtar i lartë nga qeveria italiane ka kontaktuar me Mark Zuckerberg rreth organizimit të ndeshjes kundër Elon Musk në një ndër hapësirat më legjendare në botë, në Koloseumin e Romës.
Burimet me njohuri rreth kësaj çështje tregojnë se ishte vetë Minsitri i Kulturës i cili ka komunikuar me Zuckerberg disa ditë më parë dhe i ka ofruar që të organizojnë dyluftimin më të madh në historinë e miliarderëve në Itali. Po këto burime tregojnë se miliarderëve po i pëlqen shumë kjo ide për t’u ndeshur në Koloseum.
Personat pranë Mark Zuckerberg po komunikojnë aktualisht me Dana White, presidentin e UFC, për të vendosur në lidhje me vendin e organizimit.
Në Koloseumin e Romës, një nga 7 Mrekullitë e Botës, nuk janë organizuar evente të mëdha prej disa vitesh, dhe vetëm disa qindra spektatorë mund të ulen përkohësisht brenda teatrit. Sir Paul McCartney performoi brenda Koloseumit në vitin 2003 për një show bamirësie para 400 personave të cilët paguan $1,500 secili.
Mendohet se dy miliarderët e kanë marrë shumë seriozisht këtë ndeshje, dhe kanë nisur përgatitjet. Problemi kryesor qëndron në diferencën në peshë dhe gjatësi, megjithatë dy miliarderët nuk do të ndalen aspak nga kjo diferencë.
Zuckerberg është 170cm i gjatë dhe peshon 65kg, ndërkohë që Elon Musk është 186cm i gjatë dhe peshon 104kg.
