Qeveria e Mbretërisë së Bashkuar ka njohur faktin se rritja e ndotjes së ajrit po shkakton një rritje të rasteve me demencë. Grimcat ajrore toksike nga makinat janë lidhur prej kohësh me rritjen e shpejtë të personave të prekur nga kjo sëmundje në vendet e zhvilluara.
Tashmë, studiuesit kanë konfirmuar se “ndotja e ajrit mund të kontribuojë në rënien e aftësive mendore dhe demencës në personat e vjetër në moshë.”
Ata besojnë se mënyra kryesore se si kjo gjë ndodh është nëpërmjet toksinave të vogla që futen në qarkullimin e gjakut pasi përthithen nëpërmjet mushkërive. Ndotësit irritojnë më pas enët e gjakur dhe përkeqësojnë qarkullimin e gjakut në tru, duke shkaktuar demencë vaskulare.
Është gjithashtu e mundur në raste shumë të rralla që grimcat shumë të vogla të kalojnë barrierën gjak – tru duke dëmtuar neuronet në mënyrë direkte.
Dhe pse kjo lidhje është vërtetuar, nuk ka ende shumë prova që tregojnë numrin e saktë të rasteve të demencës të shkaktuar nga ndotja e ajrit. Disa studime sugjerojnë se deri në 1/5 e pacientëve me këtë sëmundje janë të lidhur me ekspozimin ndaj grimcave toksike.
Tipi më i rrezikshëm i ndotësit të ajrit njihet si PM2.5, i cili ka një diametër më të vogël se 2.5 mikrometër. Ky tipi mund të japë efekte direkte në tru, duke qarkulluar përmes mushkërive në tru përmes qarkullimit të gjakut.
